29 SETEMBRO - FOLGA XERAL

Esgotáronse todas as posibilidades de acordo. A negociación non deu máis de si. A mesa de diálogo social na que Goberno, patronal e sindicatos debatían e contrastaban as propostas duns e outros tocóu fondo.

O diálogo quedou malferido cando o Goberno presentou o seu plan de axuste cargando sobre empregados públicos, pensionistas e persoas dependentes a drástica redución do déficit público.

A partir de aí, as organizacións empresariais descartaron calquera posibilidade de pacto e elevaron o ton das súas demandas, conscientes de que en caso de desacordo o decreto prometido polo Executivo lle sería máis útil que calquera reforma pactada. Non se equivocaron.

Como denunciou o secretario xeral de CCOO, Ignacio Fernández Toxo, o decreto aprobado en Consello de Ministros o 16 de xuño para reformar o mercado de traballo, que se tramitará como proxecto de Lei no Parlamento, asume o núcleo duro das reivindicacións da patronal:.

• O despedimento será máis doado e barato..
  
• Vai supoñer un aumento da temporalidade..


• Incrementarase a capacidade de decisión dos empresarios, deixando desprotexidos millóns de traballadores de pequenas e medianas empresas..


• A negociación colectiva sufrirá un duro golpe, nun proceso de fragmentación que favorecerá a individualización das relacións laborais.

A patronal coas súas esixencias inaceptables abortou o diálogo social sobre a reforma do mercado de traballo; e fíxoo co mesmo entusiasmo con que aplaudiu o plan de axuste. Pero isto é só unha parte da verdade.

O Goberno cedeu ás presións do liberalismo europeo e dos mercados internacionais, e activou un discurso político de recorte de dereitos sociais e laborais e de quebra das rendas de empregados públicos e pensionistas que presentou como un discurso "valente e responsable".

Paradoxos da vida: valente cos asalariados e os que perden o seu emprego (máis de 2 millóns dende que se iniciou a crise) e responsable coas rendas de capital e rendas máis altas que nin sequera roza.

Un discurso de axuste duro e reforma laboral de forte contido antisindical que levou aos sindicatos a responder con firmeza e contundencia: a convocatoria dunha folga xeral o 29 de setembro.

A realización da folga xeral virá precedida de asembleas en todos os centros de traballo e polígonos industriais, manifestacións nas capitais das comunidades autónomas o próximo 30 de xuño, e por unha masiva concentración de delegados e delegadas o 9 de setembro en Madrid. O secretario xeral de CCOO, Ignacio Fernández Toxo, afirma que "imos traballar para unha participación masiva na folga xeral co obxectivo de parar os ataques ao Estado de Benestar e aos dereitos dos traballadores e traballadoras".

Fai falta outra política económica para saír da crise e crear emprego

FOLGA XENERAL No aos recortes sociais e laborais

Fonte: GacetaSindical. Descarga eiquí o exemplar extraordinario 17.06.10